Zdravo mršanje

Redukcijom kalorija do vitke linije

Smanjenjem dnevnog unosa kalorija za 500, možete izgubiti oko pola kilograma nedjeljno, što je umjeren i zdrav način mršanja, pišu dobrevijesti.info.
81 pregleda 0 komentar(a)
Ažurirano: 22.02.2011. 10:54h

Dijeta i različitih načina mršanja ima na stotine, ali najbazičnija dijeta je redukcija kalorija.

Slijede jednostavni savjeti pomoću kojih možete da izgubite i do pola kilograma nedjeljno.

1. Ne pretjerujte sa unosom orašastih plodova

Orašasti plodovi sadrže zdrave masnoće, ali nije problem u njima. Problem je u količini koju unosimo kada se ispred nas nađe velika zdjela kikirikija ili oraha.

A kad krenemo, jednostavno ne znamo stati i tako dok zdjela ispred nas ne ostane potpuno prazna. Ukoliko im baš ne možete odoljeti, grickajte pistaći - dvije šake sadrže 159 kalorija.

2. Bez pavlake u kafi

Kafa s mnogo pavlake ili šlaga može da sadrži i do 600 kalorija, dok kratki espreso u sebi ima tek 30. Prebacite se na crnu kafu i uštedjećete gomilu kalorija (i nešto novca).

3. Ne jedite dok gledate TV

Istraživanja su pokazala da ljudi koji jedu dok gledaju TV u prosjeku unesu 288 kalorija više od ljudi koji jedu za stolom. Opustite se i uživajte u hrani bez faktora ometanja.

4. Smanjite unos sokova i zaslađenih pića

Pola litre bezalkoholnog pića ima između 270 i 300 kalorija, a šoljica zaslađenog čaja i do 180 kalorija. Sokove što je češće moguće zamijenite vodom, a zaslađivanje napitaka svedite na minimum. Tako ćete “uštedjeti” više od 400 kalorija.

5. Koristite male tanjire

Ako veliki tanjir zamijenite manjim, poješćete u prosjeku 20 do 25% manje hrane nego inače, a naučnici tvrde da se zbog toga nećete osjetati gladnijima. Zvuči kao jeftin trik, ali zašto ne probati?

6. Dovoljno spavajte

Prvo, kada ste neispavani, postoji veća šansa da ćete manjak energije pokušati da nadoknadite hranom. Drugo, premalo sna povećava proizvodnju hormona ghrelina, a veći nivo tog hormona smanjuje potrošnju energije, povećava osjećaj gladi i unos hrane.

7. Slušajte svoje tijelo

Jedite polako, žvaćite što duže i osluškujte svoje tijelo. Ako osjetite da vam je želudac sit, zanemarite činjenicu da tanjir još nije prazan. Ne morate pojesti sve. Niste na takmičenju.

Galerija

Preporučujemo za Vas