DOBRA VIJEST

Čaša piva dnevno je zdrava i ne deblja

Stiže dobra vijest za sve ljubitelje piva! Naučnici su, naime, dokazali da je čaša piva dnevno jako dobra za zdravlje.
0 komentar(a)
pivo, Foto: Wikipedia
pivo, Foto: Wikipedia
Ažurirano: 15.01.2011. 08:00h

Posljednjih godina pivo je označeno kao namirnica koja deblja, u čemu ima istine, ali ako ste umjereni i zadržavate se na čaši omiljenog dnevno, zdravlje neće stradati. Naprotiv.

Naime, španski naučnici kažu da čaša piva na dan može smanjiti rizik od dijabetesa i visokog krvnog pritiska, a može čak pomoći i u mršavljenju. U istraživanju koje je nosilo naziv 'Pivo, mediteranska prehrana i kardiovaskularne bolesti', učestvovalo je 1.249 žena i muškaraca starijih od 57 godina.

Otkriveno je da su ljudi koji preferiraju tzv. mediteranski način prehrane uz čašu piva dnevno zdraviji te da ne samo da se neće udebljati, nego će i smršati. Naučnici kažu da je pivo odgovorno za debljanje samo kada ga se konzumira u većim količinama i kada se uz njega konzumira teška hrana s puno kalorija.

"Ovo istraživanje konačno je uklonilo jedan veliki mit. Sada znamo da ne možemo kriviti pivo za debljanje. Naravno da ćete se udebljati ako pijete pivo i jedete kobasice i čips, ali čaša piva nije odgovorna za višak kilograma", kazala je dr. Rosa Lamuela koja je radila na istraživanju.

Preporučujemo za Vas