HRONIČNI POREMEĆAJ SPAVANJA

Narkolepsija - simptomi koje morate znati

Simptomi se mogu razvijati polagano, kroz niz godina, ili u par nedelja
348 pregleda 0 komentar(a)
narkolepsija, Foto: Shutterstock
narkolepsija, Foto: Shutterstock
Ažurirano: 12.05.2017. 09:15h

Narkolepsija je hronični poremećaj spavanja okarakterisan pretjeranom pospanošću i iznenadnim napadima sna u neprimjerenim situacijama. Oboljeli od narkolepsije često imaju isprekidan noćni san i abnormalan ritam spavanja tokom dana.

Otprilike u 90 posto slučajeva su prvi simptomi pojačana budnost ili pospanost kada može nastupiti katapleksija (u prvoj godini kod 50 posto ljudi, u 3 godine kod njih 85 posto) iznenadna mišićna slabost koja je izazvana snažnim osjećajima, ili nastaje spontano bez emocionalnog okidača.

Naravno, svi pacijenti ne iskuse iste simptome, neki ih doživljavaju svakodnevno a neki samo ponekad.

Simptomi se mogu razvijati polagano, kroz niz godina, ili u par nedelja. Narkolepsija je često dugotrajno, hronično stanje i kao se neki simptomi mogu pogoršati kako osoba stari.

MOGUĆI SIMPTOMI NARKOLEPSIJE

Ako primijetite neke od simptoma svakako se posavjetujte sa ljekarom kako bi utvrdio što ih uzrokuje. Ovo su neki od simptoma;

Pretjerana pospanost tokom dana: U većini slučajeva je ovo prvi simptom narkolepsije koji može imati negativan uticaj na svakodnevni život. Umor tokom dana može uticati na posao koji je skoro nemoguće obavljati kao inače, a često se osobe koje pate od ovog stanja proglašava lijenima ili bezobraznima.

"Napad" sna: Situacija je to u kojoj osoba utone u san bez ikakvog upozorenja te se može dogoditi bilo kad i bilo gdje. Koliko će trajati san se razlikuje kod svake osobe, a može trajati od nekoliko sekundi do nekoliko minuta. Ako se narkolepsija ne kontroliše, osoba može imati napad i više puta kroz dan.

Katapleksija: Većina osoba sa narkolepsijom će nažalost iskusiti i katapleksiju – trenutnu slabost u mišićima ili potpuni gubitak kontrole nad njima, prenosi Ordinacija.hr.

Tipični simptomi su:

opuštena vilica glava je klonula prema dolje nemogućnost kontrole nad nogama nerazgovjetan govor dupla slika

Paraliza sna: Paraliza sna se često događa u trenucima kada je vaše tijelo između sna i jave i u tim trenucima osoba nije u stanju pomaknuti se ili govoriti. Iako ona neće negativno uticati na zdravlje, nemogućnost pokreta će osobu sigurno preplašiti.

Od ostalih simptoma možemo navesti halucinacije, jake glavobolje i depresiju.

Preporučujemo za Vas