Rikardo Medina (36), glumac iz nekada popularne serije “Moćni rendžeri, uhapšen je i zvanično je optužen za ubistvo koje se dogodilo prošle godine u njegovom stanu u Grin Veliju.
Glumac se posvađao sa svojim cimerom Džošom Saterom oko toga kako je njegova djevojka parkirala auto, ali je policiji ispričao da nije želio da sukob eskalira.
Pošto se povukao sa djevojkom u svoju sobu, Sater je pošao za njima urlajući i na silu ušao u sobu. Tada je Medina uzeo mač koji je držao u sobi i nekoliko puta ga ubo u stomak. Zatim je pozvao policiju.
Glumac je pred sudom tvrdio da je mač uzeo u samoodbrani, iako Sater nije bio naoružan, prenosi TMZ.
Medina je uhapšen, i ukoliko bude bio osuđen, prijeti mu doživotna zatvorska kazna. Određena mu je kaucija od milion dolara.
Medina je 2002. i 2003. igrao crvenog rendžera u seriji "Power Rangers: Wild Force", a 2011. i 2012. je u seriji "Power Rangers: Samurai" igrao glavnog negativca Dekera. Osim toga, pojavljivao se u serijama "CSI: Majami", "Hitna pomoć" i drugim.
Bonus video:
