E-fudbaleri Budućnosti igraju večeras od 21 sat protiv beogradskog Partizana u polufinalu EPC 3 na 3 lige, koju organizuju BEO asocijacija i Arena eSport televizija.
Plavi su u regularnom dijelu sezone upravo od večerašnjeg protivnika doživjeli jedini poraz u šampionatu, u meču koji je lako mogao da prevagne u korist Podgoričana.
U meču baraža, Budućnost je lako savladala Lokomotivu iz Zagreba, dok su crno-bijeli čekali svog protivnika iz pomenutog četvrtfinala kao drugoplasirana ekipa iz prvog dijela sezone.
Večerašnji meč je označen kao 'finale prije finala' jer će pobjednik ovog duela biti izraziti favorit u eventualnom finalu, gdje će se susresti sa pobjednikom drugog polufinala u kojem se sastaju Sloboda iz Tuzle i NK Istra.
Za našeg predstavnika će nastupiti provjerene snage, a sastav je: Boris Bajović, Bojan Tatar i Drago Mandić.
Duel možete pratiti od 21 sat, odnosno, odmah nakon duela Sloboda Tuzla - NK Istra na kanalu Arena eSport. Igra se u dva dobijena meča.
Bonus video:
