Masovna tuča u Rožajama: Radile palice i noževi - Vijesti.me
KOD KLUBA PENZIONERA

Masovna tuča u Rožajama: Radile palice i noževi

Potukli su se Sulejman (23) i Munever Kujević, te Asad Murić (23) sa Irfanom (22) i Muamerom (23) Kalačem

U masovnoj tuči koja se 11. avgusta u večernjim satima dogodila u centru Rožaja povrijeđeni su Muamer Kalač (23), Munever Kujević (24) i policajac Ernad Bibić koji je razvađao posvađane.

Prema informacijama iz policije, u incidentu koji se dogodio u subotu oko 23 časa ispred Kluba penzionera potukli su se Sulejman (23) i Munever Kujević, te Asad Murić (23) sa Irfanom (22) i Muamerom (23) Kalačem.

U tuči su korišteni palice i noževi pa je teže povrede zadobio Muamer Kalač koji se nalazi na liječenju u beranskoj bonici, a lakše Munever Kujević.

Posjekotinu po ruci je zadobio i policajac Bibić koji je pokušao da razvadi zavađene klanove. On je nakon ukazane ljekarske pomoći pušten kući.

Viši državni tužilac je nakon saslušanja odredio pritvor Muneveru Kujeviću i Asadu Muriću.


Najčitanije iz sekcije Zabava