otkriva "slatkiše"

Novi album Adel pod uticajem kantri muzike

"Osjećam se kao četvorogodišnjakinja u prodavnici bombona koja otkriva slatkiše. Svaki dan je nevjerovatan kada je riječ o otkrivanju novih izvođača"
0 komentar(a)
Ažurirano: 04.08.2011. 15:15h

Engleska pjevačica Adel otkrila je da će njen treći album biti pod snažnim uticajem kantri i blugras muzike.Pjevačica, čiji je drugi album "21" postigao veliki uspjeh na britanskim muzičkim listama, kazala je londonskom Sanu da želi da novi album snimi na američkom jugu."Slušala sam mnogo kantrija, rokabilija i blugrasa pošto sam dugo bila na turneji. Melodije i tekstovi koje sam srela u različitim američkim muzičkim stilovima su svakako nešto čemu ću se ubuduće okrenuti. Želim da provedem izvjesno vrijeme u Ostinu u Teksasu i Nešvilu u Tenesiju i saznam još o tome", kazala je.Adel je govorila i o radosti koju joj je pružilo otkrivanje kantri izvođača čiju muziku ranije nije slušala."Osjećam se kao četvorogodišnjakinja u prodavnici bombona koja otkriva slatkiše. Svaki dan je nevjerovatan kada je riječ o otkrivanju novih izvođača", rekla je pjevačica.Adel će na jesen boraviti na turneji po Velikoj Britaniji, a potom će početi rad na novom albumu.

Preporučujemo za Vas