zajednički kadrovi

Goran Bogdan dobio ulogu u Šerbedžijinom spotu

Dva čuvena glumca prvi put su se zajedno našla ispred kamere

3768 pregleda 1 komentar(a)
Šerbedžija i Bogdan, Foto: Promo
Šerbedžija i Bogdan, Foto: Promo

Rade Šerbedžija i Goran Bogdan, prvi put su snimili zajedničke kadrove, i to zahvaljujući Lenki Udovečki i Damiru Urbanu. Naime, Goran se kao gost pojavljuje u novom spotu Šerbedžije za numeru “Govorila je tako tiho, tiho, tiho” koju je napisao Urban, a video režira Lenka.

Za ovu numeru koja se našla na Šerbedžijinom novom albumu “Ne okreći se, sine”, Rade kaže da mu je jedna od najdražih u cijelom repertoaru, pa i ne čudi što je njegova supruga, pozorišna rediteljka Lenka Udovečki izabrala da baš za nju režira spot.

“Lenki se strašno svidjela Urbanova pjesma. Napisala je scenario za spot i samo mi je rekla: ‘Imaš i ti ulogu u spotu. I to epizodnu.’ Pitao sam je: ‘A ko igra mene?’ Na što je ona odgovorila: ‘Gogo Bogdan.’ Budući da je i on moj prijatelj, kao i Urban, svidjela mi se ideja, pa tako ispada da nas dvojica zapravo glumimo mladog Urbana“, rekao je Šerbedžija na snimanju spota.

Za potrebe ovog spota, uz poštovanje svih epidemioloških mjera opreza, otvorena su vrata jednog zagrebačkog kafića, pa je i samim protagonistima ovog videa bilo neobično, nakon nekoliko mjeseci, sjesti za šank i naručiti piće.

“Preslušao sam Šerbedžijin novi album i odličan mi je, a posebno mi je drago da me Lenka predvidjela za ovu ulogu. Eto, napokon sam u istom ‘filmu’ sa svojim uzorom, jer Rade je razlog zbog kojeg sam postao glumac. Srećan sam što smo i privatno jako dobri prijatelji“, rekao je Bogdan.

Uz njega i Šerbedžiju u spotu glumi i mlada Ana Marija Brđanović, studentkinja Šerbedžijinog studija Glume i medija na Univerzitetu u Rijeci.

Premijera spota najavljena je početkom marta, a biće na CMC televiziji.

Preporučujemo za Vas