“Da će publika pratiti to što radim i kad budem imao 70 godina, koje ću napuniti 7. decembra, nisam očekivao, a mogu joj samo reći hvala što to i dalje radi. Da ne vjerujem u ono što radim, ne bih to radio i dalje. Još uživam u pjevanju i, dok me to drži, dobro je”, kazao je povodom predstojećeg “okruglog” rođendana Oliver Dragojević, prenosi večernji.hr.
“Brojka 70 zvuči mi stravično, puno je to godina. Zamislite, kad sam snimio “Cesaricu”, imao sam 46 godina, koliko je vremena prošlo od tada. Sve što mogu reći je da svaki dan kad se pogledam u ogledalo znam da će biti sve gore i gore”, dodao je on kroz smijeh.
Legendarni pjevač zatim je otkrio za čim žali privatno i poslovno.
“Pjevački mi je žao što starim, a kao čovjeku koji voli da ribari, s godinama mi je sve više žao da lovim ribe pa manje i ribarim”.
Ali u nekim stvarima uživa više nego prije.
“U dobroj pjesmi, u moru koje me hrani i unucima jer, ako se ne raduješ unucima, onda si čovjek s greškom”, kazao je on.
Bonus video:
