VLASNIK NEPOZNAT

Najveća jahta će biti duga čak 222 metra: Pomjera granice luksuza

Vlasnik novog luksuznog plovila nije poznat, a ono što je poznato je da će gradnja biti gotova do 2018. godine
188 pregleda 3 komentar(a)
jahta, Foto: Screenshot (YouTube)
jahta, Foto: Screenshot (YouTube)
Ažurirano: 13.02.2015. 19:10h

Čak sedam spratova, dva bazena, i spavaonica od 275 kvadrata - sve je to dio nove superjahte koja će srušiti svjetski rekord i pomjeriti granice luksuza kad su brodovi u pitanju. Njeno ime je Triple Deuce, a riječ je o najskupljoj i najvećoj jahti u istoriji vrijednoj 1,2 milijarde dolara.

Luksuzni brod dužine 222 metra biće tako veći od Abramovičeva Eclipsea čija je dužina 163 metra, ali i od 182 metra dugačke jahte Azzam u vlasništvu predsjednika Ujedinjenih Arapskih Emirata.

Vlasnik novog luksuznog plovila nije poznat, a ono što je poznato je da će gradnja biti gotova do 2018. godine.

Uprkos impozantnoj veličini, moći će da primi samo 36 gostiju i između 50 i 70 članova posade. Privatne prostorije vlasnika imaće teretanu, kancelarije i restoran. Gostima će na raspolaganju biti unutrašnji i vanjski bazen, saune, wellness kao i maseri i frizeri.

I vlasnik i njegovi gosti na ovoj će jahti morima ploviti brzinom većom od 56 kilometara na sat što će omogućiti trostruki motor od 100.000 konjskih snaga.