Klonakilti je irski gradić u kojem živi oko četiri hiljde stanovnika. Zbog privredne krize mnogi mladi ljudi napuštaju ovaj grad.
No, oni koji su odlučili da ostanu ne sjede prekrštenih ruku.
Jedan od njih je profesor Bevis Koton koji je u decembru prošle godine osnovao "Clonakilty Favour Exchange", prenosi Večernji.
Riječ je o berzi razmjene usluga – bez novca. A stvar funkcioniše ovako:
Članovi međusobno trguju, ali valuta nije novac nego vrijeme. A njega zarađuju onim što najbolje znaju.
Recimo, Bevis Koton voli da dizajnira internet stranice, dok neki drugi rado prave kolače od marcipana, čokoladu ili pletu torbe. Svaki od 150 članova ima svoj račun.
Urade li nešto za nekog drugog, na njega im se uplaćuje vrijeme koje im je za to bilo potrebno; bilo da je riječ o šetanju pasa, časovima salse ili pranju automobila. Na taj način iz grada odlazi manje novca.
Stvari koje su njime prije plaćali sada mogu platiti vremenom. Međutim, na prvom je mjestu nešto mnogo važnije od toga – osjećaj korisnosti i pripadnosti zajednici.
Bonus video:
