Britanac Kris Sel, koji u Njujorku ima fastfood restoran, u namjeri da donese dašak svoje domovine u SAD kreirao je sendvič sa sastojcima tipičnim za engleski doručak.
Ovaj superkalorični doručak ima nevjerovatnih 1.200 kalorija, a sadrži bijeli hljeb, slaninu, jaja i gljive. Sve to se umoči u tijesto i prži u dubokom ulju.
Kada se ima u vidu da je preporučeni dnevni kalorijski unos za žene 2.000, a za muškarce 2.500 kalorija, onda je sasvim jasno da je sendvič Krisa Sela prava kalorijska bomba koju ne bi trebalo prečesto konzumirati.
"Prva polovina je imala izvanredan ukus, ali kako se prži u ulju, dok dođete do druge polovine, sendvič već postaje malo vlažan. No, savršen je za mamurluk ili kao hrana za utjehu", kazao je Sel.
Britanac se ni najmanje ne brine za zdravlje svojih klijenata pa tako u svom restoranu nudi i drugu superkaloričnu hranu kao što su pohovani komadi pice, pohovane čokoladice, makaroni sa sirom, a pohuju čak i hranu koju klijenti donesu.
Poznato je da pohovana i hrana pržena u dubokom ulju ima dvostruko više kalorija.
Galerija
Bonus video:
