Doroti Ričards i Mardžori Rudl su sestre koje ukupno imaju 213 godina, tri mjeseca i 27 dana! Naime, starija sestra Doroti ima 108 godina dok Mardžori ima 105 godina. Ukupnim zbirom godina, ušle su u Ginisovu knjigu rekorda kao trenutno najstarije sestre na svijetu.
Mardžori je slabo pokretna i živi u staračkom domu u Peterburgu u kojem je priređena svečanost povodom Ginisovog rekorda i u kojem ju je sestra Doroti posjetila nakon tri godine.
Mardžorina ćerka Pat Komber istakla je kako je svečanost zbog Ginisa druga bitna stvar koja se taj dan dogodila.
" Najbitnije mi je bilo da se njih dvije ponovo sretnu, nisu se vidjele tri godine jer je mama slabo pokretna a i tetka je veoma slaba", rekla je Komberova.
Mardžori je bila veoma srećna zbog svečanosti. " Nisam vidjela Doroti godinama, baš se radujem što ću je vidjeti. Ipak, malo mi je neprijatno zbog medija", rekla je.
Kada su upitali sestre šta je tajna dugog života odgovorile su: “Težak rad”, nakon čega je nastupio smijeh prisutnih.
Dvije sestre, Doroti i Mardžori, ušle su u Ginisovu knjigu rekorda i po starosti “prestigle” bivše nosioce rekorda, bliznakinje Edit Riči i Evelin Midlton koje ukupno imaju 204 godine.
Galerija
Bonus video:
