Jedan je američki planinar koji se izgubio u dvodnevnoj mećavi na planini Maunt Renier u saveznoj državi Vašington, rekao da je palio dolarske novčanice kako bi se ugrijao.
Jong Čun Kim (66) iz Takome izjavio je u utorak za postaju KOMO-TV u Sijetlu da je sa sobom imao upaljač i da je prvo spalio nešto lišća.
Tada je počeo da pali lične stvari: svoje čarape ali i novčanice od jednog i pet dolara iz novčanika.
Kim je takođe rekao da se stalno kretao kako bi sačuvao toplotu, a noću bi se skrio ispod stabla i sanjao svoju suprugu i toplu saunu, prenosi CBS Njuz.
Odvojio se od skupine planinara u subotu a spašen je tek u ponedjeljak. Kim je bio u tako dobrom stanju kada je pronađen da nije morao ići u bolnicu već je umjesto toga otišao kući sa svojom porodicom.
Pripadnici gorske službe spašavanja stigli su u ponedjeljak kroz duboki snijeg do Kima na nepristupačnoj jugozapadnoj padini planine, a potom su ga devet sati spuštali do puta.
Bonus video:
