Italijanski milijarder, koji je kao student pjevao na luksuznim kruzerima koji su plovili Mediteranom, proveo je dvije godine pišući tekstove za svoj novi, četvrti album pod naslovom "Vero amore" (Prava ljubav).
Na CD-u će se naći 11 numera koje bivši premijer pjeva u duetu sa svojim prijateljem, napuljskim gitaristom Marjanom Apičelom, s kojim je sarađivao i na prethodna tri albuma.
"Album će se naći u prodavnicama od utorka", kazao je Apičela u izjavi za londonski Telegraf.
Pjesme, inspirisane tradicionalnom napuljskom muzikom i sambom, govore o neuzvraćenoj ljubavi i čežnji za ljubljenom osobom.
"Okruži me ljubavlju, ostani kraj mene i prepusti mi svoje srce", glasi stih jedne od pjesama na albumu koja nosi naslov "Rimani con me" (Ostani kraj mene).
Strast Berluskonija prema muzici odavno je poznata.
O tome svedoče šougirls i manekenke koje su prisustvovale čuvenim "bunga bunga" zabavama u Milanu i Rimu i koje kažu da je italijanski tajkun volio da zabavlja goste pjevajući na italijanskom i francuskom i pričajući masne viceve.
Prvi Berluskonijev CD, izdat 2003. godine, prodat je u 45.000 primeraka.
Bonus video:
