Britanka polagala testove za vozački 90 puta

Jedna mlada Britanka proglašena je za najgoreg vozača – 90 puta je pala na teorijskom testu vozačkog ispita.

26-godišnja djevojka je tako platila 3.202 eura prije nego je i došla do praktičnog dijela obuke, piše Daily Record.

Posljednji put je polagala test u novembru 2010. godine, i time postavila britanski rekord u neuspješnom polaganju vozačkog ispita.

Ne zna se da li djevojka planira da i dalje polaže testove.

Inače, britanska Agencija za saobraćajne standarde je saopštila da je do sada rekord u ponavljanju praktičnog dijela ispita drži 39-godišnji muškarac iz Zapadnog Midledsa koji je pao 36 puta.

69-godišnji Ča Sa-sun iz Južne Koreje pao je 949 puta, prije nego je položio vozački ispit 2009. godine.