DONIRAO KRV ZA ISTRAŽIVANJE

Andrea Bočeli: Cijela moja porodica imala je koronu

Da je zaražen koronavirusom umjetnik je, kako je sam kazao, saznao 10. marta, a tada se osjećao sasvim dobro te je tog dana čak plivao u bazenu
1525 pregleda 0 komentar(a)
Andrea Bočeli, Foto: Drew Gurian
Andrea Bočeli, Foto: Drew Gurian

Čuveni italijanski tenor Andrea Bočeli objavio je kako je u martu bio pozitivan na testiranju na koronavirus te kako se od tada u potpunosti oporavio.

Ovo je kazao novinarima pred bolnicom u Pisi gdje je stigao kako bi donirao krv radi istraživanja mogućeg tretmana krvnom plazmom osoba oboljelih od bolesti covid-19.

Bočeli je otkrio i kako su njegova supruga i dvoje djece takođe bili zaraženi koronavirusom, no niko se u njihovoj porodici nije ozbiljno razbolio. Pojasnio je kako su simptomi kod njih bili tek blago povišena tjelesna temperatura.

Da je zaražen koronavirusom umjetnik je, kako je sam kazao, saznao 10. marta, a tada se osjećao sasvim dobro te je tog dana čak plivao u bazenu.

Na Uskrs, 12. aprila, je održao posebni koncert u praznoj milanskoj katedrali "Duomo". Taj je njegov nastup imao za cilj potakne nadu u Milanu, gradu koji je pandemija koronavirusa teško pogodila.