SUPRUG NIJE ČEKAO DA GA NAPUSTI

Sveštenik oženio 55 godina mlađeg manekena, pa završio kao beskućnik

Par se vjenčao u aprilu ove godine, a za vrijeme njihovog kratkog braka prodao je svoju kuću Kentu i kupio stan vrijedan sto hiljada eura u Bukureštu koji je odmah prepisao na Florinovo ime
3 komentar(a)
gej brak, Foto: Shutterstock
gej brak, Foto: Shutterstock
Ažurirano: 01.02.2019. 20:29h

Penzionisani britanski vikar završio je kao beskućnik nakon što ga je napustio njegov suprug, rumunski model, samo nekoliko dana nakon što mu je poklonio stan, piše "San".

Sedamdesetdevetogodišnji Filip Klemens oženio je 24-godišnjeg rumunskog modela Florina Marina kojeg je upoznao preko interneta i zbog kojeg se preselio u Rumuniju, prenosi hrvatski Index.

Par se vjenčao u aprilu ove godine, a za vrijeme njihovog kratkog braka prodao je svoju kuću Kentu i kupio stan vrijedan sto hiljada eura u Bukureštu koji je odmah prepisao na Florinovo ime. 

Nekoliko dana kasnije par se posvađao i raskinuo, a Filip se u septembru vratio u rodnu Englesku, gdje je za pomoć morao da se obrati rodbini i prijateljima jer više nije imao ni kuću ni ušteđevinu. 

Zbog svog mladog ljubavnika, vikar se suprotstavio pravilima engleske crkve koja sveštenicima brani istospolne brakove. 

U početku je njihov brak dobro funkcionisao, išli su u bioskop i u kupovinu, sli uskoro su počele česte svađe. 

"Selidba u Rumuniju je bila moja ideja, ali sam tamo bio vrlo usamljen s obzirom na to da nisam znao jezik, niti imao prijatelje. Florin je često izlazio i kasno se vraćao kući, a mene nikad nije htio da vodi u klubove, govoreći mi da izlasci nisu za starije ljude", ispričao je vikar.

On i dalje smatra da se mladi Florin nije s njim vjenčao zbog novca. 

"Nisam imao toliko novca, a stan sam prepisao na njega kako bi on imao neku sigurnost kad umrem. Bio sam vrlo tužan kad smo raskinuli, sve sam izgubio. Nisam više imao ni kuću i zaista sam se jadno osjećao", kaže on. 

Iako se stariji vikar još nada da će sa svojim mladim partnerim riješiti sukobe i sanja o njihovoj zajedničkoj budućnosti, Florin je već pronašao novu ljubav - bogatog španskog biznismena po imenu Hesus.

Preporučujemo za Vas