Direktori škola upozorili roditelje: Zabranite djeci GTA ili zovemo policiju - Vijesti.me
SLUČAJ U BRITANIJI

Direktori škola upozorili roditelje: Zabranite djeci GTA ili zovemo policiju

Ako će djeca imati pristup igrama ili drugom sadržaju s oznakom 18+, oni bi mogli da pozovu policiju i centar za socijalni rad jer im se ovo čini kao zanemarivanje djece, navodi se u pismu

GTA V
GTA V (Foto: Beta/AP)

Direktori 16 škola u Engleskoj poslali su roditeljima pismo u kojem ih upozoravaju da djeci zabrane pristup igrama i drugom sadržaju koji je namijenjen odraslima.

Grupa direktora odlučila je da je dosta toga da mala djeca mogu da igraju nasilne igre poput GTA V ili Call of Duty s oznakom 18+. Kako bi nečemu naučili i roditelje, poslali su im pismo u kojem ih upozoravaju da počnu kontrolisati igre koje igraju njihova djeca ili bi ih mogla posjetiti policija, prenosi portal 24sata.hr. 

Ako će djeca imati pristup igrama ili drugom sadržaju s oznakom 18+, oni bi mogli da pozovu policiju i centar za socijalni rad jer im se ovo čini kao zanemarivanje djece, navodi se u pismu. 

U pismu su se dotakli i društvenih mreža i aplikacija za pametne telefone, pa su tako napisali da djeca ne bi trebalo da imaju profile na Facebooku i da komuniciraju na stranicama i medijima ili platformama za komuniciranje poput WhatsAppa, koje nisu za njihov uzrast. Dodali su i to da bi trebalo da koriste samo one usluge namijenjene djeci. 

"Mi nastojimo da pomognemo roditeljima kako bi njihova djeca bila što sigurnija u ovom digitalnom svijetu. Djeca tako lako mogu završiti na pogrešnom putu, a roditeljima pomaže kad imaju jasne smjernice," rekla je Mari Henesi Džouns, direktorka jedne od škola.


Najčitanije iz sekcije Zanimljivo