Leonardo Semplići i njegovi saradnici u SPAL-u dobili su otkaz nakon što je ekipa zabilježila tri uzastopna poraza i sa 15 bodova se nalazi na posljednjem mjestu Serije A, objavio je u ponedjeljak klub iz Ferare.
Na čelu s 52-godišnjim Semplićijem SPAL je iz treće lige stigao u elitni razred italijanskog fudbala nakon 49 godina igranja u nižim ligama, ali posljednji niz loših rezultata natjerao je vođstvo kluba da uruči otkaz treneru koji je vodio tim u posljednjih šest godina.
Presudio mu je domaći poraz od Sasuola u kojem je SPAL vodio od 23. do 65. minute, a primljenim pogotkom u 90. minutu izgubio i bod.
SPAL je u prvoligaškom društvu treću godinu zaredom, ali ove sezone je u težoj situaciji nego ikada prije.
U dosadašnja 23 kola skupio je samo 15 bodova i od 17. mjesta koje donosi ostanak u Seriji A dijeli ga sedam bodova.
Semplićija će na mjestu glavnog trenera zamijeniti bivši italijanski reprezentativac 48-godišnji Luiđi Di Bjađo, koji je od 2013. do 2019. godine bio selektor mlade italijanske reprezentacije.
Bonus video:
