Supruga čuvenog američkog reditelja Frensisa Forda Kopole Elenor, koja je, između ostalog, napisala i knjigu o nekim od kultnih filmova supruga "Apokalipsa danas", preminula je u 88. godini, saopštili su porodični prijatelji.
Elenor Kopola je preminula u petak okružena porodicom u svom domu u Raderfordu, u američkoj saveznoj državi Kaliforniji.
Ona je 1979. izdala knjigu "Notes: On the Making of 'Apocalypse Now'" (Bilješke: O stvaranju 'Apokalipse sada').
Pored dešavanja tokom snimanja filma, Elenor Kopola je opisala neka svoja unutrašnja previranja. Pisala je o izazovima braka sa poznatnom ličnosću i vanbračnoj vezi koju je imao njen suprug.
Napisala je bilješke i o drugim Kopolinim filmskim ostvarenjima, kao i o filmovima njihove ćerke, takođe poznate rediteljke Sofije Kopole.
Elenor Kopola je 2008. napisala memoare "Notes on a Life" (Bilješke o jednom životu).
Ona je sa 80 godina, 2016. debitovala kao narator u ostvarenju "Paris Can Wait", romantičnoj komediji sa Dajanom Lejn u glavnoj ulozi.
Elenor Kopola, koja je nedavno završila nastavak memoara, napisala je da cijeni kako ju je život vodio kroz neočekivane dešavanja i na neobične načine i odveo u mnoštvo pravaca izvan njenog "najluđeg maštanja".
Bonus video:
