Prvi mužjak tapira rođen je u zoološkom vrtu u Česteru, na sjeverozapadu Engleske, u posljednjih osam godina specijalnog programa za reprodukciju te životinje u zatočeništvu, prenose u subotu britanski mediji.
Taj zoo vrt osam godina sprovodi program ali su se do sada rađale samo ženke.
Mali tapir nazvan Zatras rođen je početkom ove nedjelje.
Njegova majka, 22-godišnja Dženi, nosila je mladunče u stomaku 13 mjeseci. Mladunci se obično rađaju sa sedam kilograma, a za dvije nedjelje udvostruče svoju težinu.
Tapiri pripadaju porodici sisara iz reda kopitara. Izgledom podsjećaju na svinje. Imaju izduženu i pokretnu njušku nalik maloj surli.
Dugački su oko dva metra, visoki jedan metar i teški od 150 do 300 kilograma.
Tapiri u divljni žive u tropskim predjelima Azije i Južne Amerike.
Bonus video:
