Odličan recept: Paprike punjene sirom, zapečene na krompiru

Postaće redovne na vašem jelovniku

22829 pregleda 0 komentar(a)
Ilustracija, Foto: Instagram/danina_kuhinja_blog
Ilustracija, Foto: Instagram/danina_kuhinja_blog

U mnoštvu načina na koje se mogu spremiti punjene paprike izdvaja se recept pomoću kojeg ćete paprike spremiti u rerni zajedno sa krompirom. Izvanrednog su ukusa, a čitavo jelo imaće aromu ovog, mnogima omiljenog, povrća.

Sastojci:

  • 5-6 paprika ( zavisi od veličine)
  • 5-6 krompira ( zavisi od veličine)
  • 300 g sira ( feta, sitni sir, masni sir u kriškama)
  • 2 kašike kisjele pavlake
  • 3 jaja
  • so, mljeveni biber
  • tucana crvena paprika
  • 1 kašika svježe sjeckanog peršuna

Priprema:

Paprike očistiti od peteljki i sjemena. Malo ih posoliti iznutra. Krompir oljuštiti i izrezati.

U posudi izmiješati jaja, sir ( sir je bolji ako je masniji, ako nije dodati 1-2 kašike kisjele pavlake više nego što je u receptu), kisjelu pavlaku i 5 kašika ulja. Ovom smjesom napuniti paprike i redjati ih u zemljanu ili vatrostalnu posudu podmazanu uljem. Paprike kad se napune sirom ne zatvarati , jer će prilikom pečenja dio sira izaći iz paprika i pomiješati se sa krompirom.

Kad napunite paprike, u posudi će ostati još smjese od sira i jaja. U tu smjesu dodati sjeckani krompir, sjeckani peršun, so, mljeveni biber, tucanu papriku. Sve dobro izmiješati i poređati između paprika. Pomiješati 4 kašike ulja i 5-6 kašika vode, preliti paprike i krompir, poklopiti i peći na 200 stepeni dok se krompir ne ispeče. Pri kraju otvoriti posudu, kako bi jelo dobilo lijepu boju.

Bonus video: