Fenomenalne: Sasvim drugačije punjene paprike

Ako ste u prilici kupite manje paprike različitih boja. Vjerujemo da ćete odmah napraviti duplu mjeru.

6488 pregleda 0 komentar(a)
Ilustracija, Foto: Instagram/enjoy__taste
Ilustracija, Foto: Instagram/enjoy__taste

Nakon praznika, čak i onima koji obožavaju meso, dobro dođe neko malo laganije jelo. Upravo takve su paprike sa krajnje neobičnim i veoma ukusnim filom. Naravno, onima koji vole da jedu malo više, ovo jelo može poslužiti kao zakuska ili predjelo. Osim što su dobrog ukusa ovako spremljene paprike izgledaju izuzetno lijepo.

Sastojci:

  • 6 komada paprika
  • 300 g šampinjona
  • zeleni luk
  • 80 g kukuruza (Iz tegle ili prokuvan smrznuti)
  • 30 g oraha
  • 2-3 čena bijelog luka
  • 100 g krem sira
  • 1-2 kašike limunovog soka
  • kopar
  • so
  • crni biber
  • malo mirođije i nar za ukrašavanje

Priprema:

Premazati paprike biljnim uljem i peći u rerni zagrijanoj na 180 stepeni 20-25 minuta. Nakon toga stavite ih u kesu ili providnu foliju i ostavite 30 minuta. Tako ćete ih lakše oljuštiti.

Pečurke za fil isjeckajte srednje ili sitno. Pržite na biljnom ulju, na kraju dodajte sitno sjeckani zeleni luk, posolite i pobiberite.

Pomiješajte pečurke, kukuruz, sjeckane orahe, bijeli luk, krem sir.

Oljuštite paprike i prerežite ih uzdužno na jednom mjestu.

Uklonite sjemenke, pospite limunovim sokom i napunite filom.

Premažite vrhove paprika maslinovim uljem. Pospite sitno sjeckanom mirođijom i ukrasite sjemenkama šipka.

Bonus video: