KORISTAN MALI TRIK

Zašto treba da stavite novčić u zamrzivač

Ako struja nestane, što kod nas nije ni malo rijetko, namirnice u zamrzivaču mogu se otopiti i početi da se kvare. Kad struja dođe ponovo će se zamrznuti i vi nećete primijetiti ništa, a to nije dobro
5152 pregleda 0 komentar(a)
Ilustracija, Foto: Pixabay
Ilustracija, Foto: Pixabay

Ako samo nekoliko dana ne boravite u kući može se desiti da počnete da koristite pokvarenu hranu iz zamrzivača. Jednostavno, ako struja nestane, što kod nas nije ni malo rijetko, namirnice u zamrzivaču mogu se otopiti i početi da se kvare. Ako dovoljno dugo nijeste tu, kad struja dođe ponovo će se zamrznuti i vi nećete primijetiti ništa. Onda ste u opasnosti da koristite pokvarenu, ili makar sumnjivu, hranu.

Da biste izbjegli takav slijed događaja primijenite mali trik: u šolju sipajte vodu i kad se smrzne, na led stavite novčić.

Sigurno vam je već jasno: ako, kad se vratite sa puta, novčić bude gdje ste ga ostavili, sve je u redu. Ako bude na dnu šolje - očigledno je da se voda, jednako kao i namirnice u zamrzivaču, u međuvremenu odmrzavala. Tada je bolje da hranu iz zamrzivača ne spremate svojoj porodici.

Novčić možete da stavite i na jednu od kockica leda u posudi za led.