Napravite sami: Osvježivač za prostorije - Vijesti.me
Kreativnost na djelu

Napravite sami: Osvježivač za prostorije

Umjesto što kupujete mirisne “jelkice” za auto, možete od stare odjeće ili peškira da isiječete oblik koji želite.

osvježivač
osvježivač (Foto: www.nteriordesigningblog.com)

Onda ga zalijepite za karton tog oblika a tkaninu jednostavno natopite omiljenim esencijalnim uljem. Možete ga staviti u auto ili prostoriju koju želite da osvježite.

Kad miris izlapi, ponovno natopite materijal.

Ako želite da napravite osvježivač za sprej bocu, nikada ne miješate više od tri vrste esencijalnih ulja.

Ne miješajte istovremeno alkohol, ulja i destilovanu vodu.

Ako pak želite da se u trenutku riješite neprijatnih mirisa u kući, pomiješajte četvrtinu šoljice sode bikarbone s vodom i dobro protresite: upiće loše mirise, a ako dodate ekstrakt vanile, lijepo će i da miriše.

Osvježivač u spreju za prostorije

Izmiješajte alkohol i do tri esencijalna ulja u sprej boci. Može da posluži bilo koja takva plastična flaša koju ste već istrošili. Dodajte destilovanu vodu i protresite.

Ostavite da odstoji nekoliko dana.

Za miris prirode u vašem domu

Ako imate baštu, u teglu ili posudu stavite latice raznog cvijeća koje imate.

Za predivan miris možete iskoristiti i začine poput cimeta, ruzmarina, korijandera ili pak kore citrusa.

Uživajte u mirisu i svojoj rukotvorini.

 

 

 


Najčitanije iz sekcije Lifestyle