Henrih Mhitarjan je odbio ponudu Juventusa, jer želi još dugo da ostane u Borusiji iz Dortmunda, potvrdio je danas njegov agent Mino Rajola.
"Mhitarjan se dobro osjeća u Dortmundu. Nije slučajno potpisao dugoročan ugovor, jer u budućnosti sebe jedino vidi u dresu Borusije", rekao je Rajola za Bild.
Italijanski mediji navode da se jermenski vezista predomislio u vezi prelaska u Juventus, iako je ranije imao načelan dogovor sa torinskim timom.
Mhitarjan je od 2013. godine za "milionere" odigrao 72 utakmice i postigao 16 golova, nakon što je igrao za Šahtjor, Metalurg iz Donjecka i Pjunjik.
Za reprezentaciju Jermenije nastupio je 50 puta i dao 16 golova.
Bonus video:
