NAPISAO U AUTOBIOGRAFIJI

Gvardiola: Mrzim tiki-taku

2 komentar(a)
Gvardiola, Foto: Beta/AP
Gvardiola, Foto: Beta/AP
Ažurirano: 16.10.2014. 18:58h

Trener fudbalera Bajerna iz Minhena Pep Gvardiola napisao je u svojoj autobiografiji da je prezirao "tiki-taka" stil, koji je postao sinonim za igru Barselone pod njegovim vođstvom.

Pep Gvardiola je izdao novu autobiografiju koju je potpisao novinar Marti Perarnau, a u toj knjizi se opisuje njegova prva sezona u Bajernu.

U knjizi je Gvardiola citiran, penosi goal.com, kako o čuvenom stilu tiki-taka govori svojim igračima nakon utakmice protiv Nirnberga.

"Mrzim tiki-taku. To je sve sra** i nema svrhu. Morate da dodajete loptu s jasnom namjerom šta želite s njom. Ne radi se tu o beskonačnim nepotrebnim dodavanjima", rekao je tada Gvardiola.

Na sastanku sa igračima, dan poslije tog meča, Gvardiola je nastavio priču o tom stilu igre.

"Morate da pronađete svoj fudbalski DNK. Mrzim tiki-taku. Tiki-taka znači dodavanje bez jasne namjere, besmisleno je. Barsa nikada nije igrala tiki-taku. To je izmišljotina. U svim timskim sportovima tajna je da se napravi pritisak na jednoj strani terena tako da protivnik ne može da se brani. Preopteretite jednu stranu kako bi na drugoj ostalo prostora za napad", rekao je Gvardiola.

"Zato imamo puno dodavanja, da bismo privukli protivnike i onda brzo zadali udarac na drugoj strani. Takva igra mora da bude i to nema veze s tiki-takom", dodao je Gvardiola.

Preporučujemo za Vas