Trener Mančester sitija Roberto Manćini suočen je sa velikim problemima u napadu uoči subotnjeg duela sa Aston Vilom, u 8. kolu Premijer lige.
Naime, Manćini od napadača na raspolaganju trenutno ima samo bosanskohercegovačkog reprezentativca Edina Džeka.
Serhio Aguero je još uvijek van terena zbog povrede prepone koju je zaradio 1. oktobra protiv Blekburna, zbog čega je propustio i utakmice reprezentacije Argentine. Povredu leđa vuče Mario Baloteli, dok je Karlos Tevez je još uvijek suspendovan zbog odbijanja da uđe u igru u utakmici Lige šampiona protiv Bajerna.
“Građani” su trenutno drugoplasirani na tabeli Premijer lige, sa skorom od šest pobjeda i remija. Prvi je gradski rival, Mančester junajted, sa istim brojem bodova (19), ali boljom gol-razlikom.
Bonus video:
