Vejn Runi je legenda Mančester junajteda, sa 253 gola je najbolji strijelac u istoriji kluba.
Najbolji je strijelac i u istoriji engleske selekcije u čijem dresu je postigao 53 pogotka, ali nije zadovoljan, vjeruje da je morao još više...
"Možda ću vas iznenaditi, ali znam da nisam prirodni strijelac. Nikada nisam bio poput Garija Linekera ili Ruda van Nistelroja. Ponosan sam na rekorde, ali je bilo boljih "devetki" od mene. Kako sam postigao sve to ako nisam rođeni golgeter? U Junajtedu sam igrao 13 godina, za Englesku 15. Imao sam dovoljno vremena da oborim rekorde i mislim da sam morao da postignem još više golova", napisao je Runi u kolumni za "Sandej tajms".
Hari Kejn je do sada dao 32 gola za Albion, manje od Runija, Ser Bobija Čarltona (49), Linekera (48), Džimija Grivsa (44) i Majkla Ovena (40).
"Neće proći mnogo, Hari će biti u situaciji da nadmaši moj rekord. I biću ponosan kada se to dogodi", ističe Runi i dodaje:
"Kada bi stvarao tim, počeo bih s Kejnom. Ser Bobi Čarlton je čekao 50 godina da ga ja nadmašim, nadam se da ja neću mnogo čekati. Što se rekorda u Junajtedu tiče, on će vjerovati trajati duže, jer igrači ne ostaju u jednom klubu toliko godina kao što je bio slučaj ranije. Na primjer, Kristijano Ronaldo ili Lionel Mesi bi moj rekord oborili za tri ili četiri godine", napisao je Runi.
Bonus video:
