la liga

Otišao Kuman, ništa se nije promijenilo: Barsi samo bod protiv Alavesa

Barsu je prvi put vodio Serđi Barhuan, koji je došao kao privremeno rješenje, čekajući dolazak Ćavija, a nije imao ni vremena ni "materijala" da napravi promjene u timu, stavu i igri

5696 pregleda 1 komentar(a)
Sa meča Barselona - Alaves, Foto: Reuters
Sa meča Barselona - Alaves, Foto: Reuters

Otišao je Ronald Kuman i nije se ništa promijenilo - Barselona je na Nou kampu, pred svega 38.000 navijača, igrala samo 1:1 sa Alavesom.

Barsu je prvi put vodio Serđi Barhuan, koji je došao kao privremeno rješenje, čekajući dolazak Ćavija, a nije imao ni vremena ni "materijala" da napravi promjene u timu, stavu i igri.

Katalonci su imali čak 79 odsto posjeda lopte i dvocifreni broj šuteva, nedostaje im strijelac to je očigledno, a i odbrana je nestabilna, pa su primili gol iz jednog od ukupno dva udarca u okvir svog gola.

Poveli su u 47. minutu, kada je Memfis Depaj prihvatio loptu na lijevoj strani, ušao u sredinu, pa sjajnim udarcem poslao loptu pod prečku.

Samo tri minuta kasnije, Hoselu je efektno petom pronašao Luisa Riohu, koji je prevario Ter Štegena i pogodio praznu mrežu za izjednačenje.

U 59. minutu Depaj je pogodio stativu, Kutinjo je iz slobodnog udarca bio zamalo neprecizan, bilo je još mnogo opasnih situacija, ali ne i promjena...