Tvrda i teška utakmica na Old trafordu, u kišnom derbiju 10. kola Premijer lige - Žoze Murinjo je na kraju stegnuo pesnicu, a Mančester junajted protiv Totenhema proslavio možda i najvažniju pobjedu u dosadašnjem dijelu sezone (1:0).
Presudio je rezervista Antoni Marsijal, koji se u 81. minutu prikrao iza leđa defanzivaca Totenhema i nakon ispucavanja De Hee i skoka Lukakua izašao sam na Uga Ljorisa, kojeg je savladao spretnim udarcem lijevom nogom.
Манчестер Юнайтед - Тоттенхэм 1:0. Обзор матча. Англия. Премьер-лига 2017/18. 10 тур. от ФУТБОЛЬНЫЕ ОБЗОРЫ на Rutube.
"Crveni đavoli" su ostali sami na 2. mjestu, sa tri boda više od Totenhema i pet manje od Mančester sitija, koji se ne zaustavlja - na gostovanju Vest Bromiču, tim Pepa Gvardiole upisao je 13. uzastopnu pobjedu u svim takmičenjima, devetu od deset u dosadašnjem dijelu Premijer lige, što je najbolji klupski učinak u istoriji.
Siti hita ka tituli, iako je još uvijek prva vaza sezone. Atraktivno, efikasno, dominantno, završavajući svaki napad u protivničkom šesnaestercu - tako igra Mančester siti, a sjajnom napadačkom igrom "građani" pokrivaju poneku grešku u defanzivi.
VBA je uspio da izjednači - Rodriges je lobovao Edersona i odgovorio na sjajan gol Sanea, ali je rezultat svega dva minuta bio u egalu. Fernandinjo je udarcem iz daljine vratio gostima vođstvo, već u 15. minutu.
Sterling je u nastavku povećao na 3:1, a veliki kiks Otamendija za gol Filipsa u nadoknadi nije mnogo koštao Siti...
Вecт Бpoмвич - Maнчecтep Cити 2:3 от ФУТБОЛЬНЫЕ ОБЗОРЫ на Rutube.
Tim Pepa Gvardiole trenutno djeluje najozbiljnije, a gradski rival ga, za sada, jedini koliko-toliko prati.
"Izgubili smo prošlu utakmicu u Hadersfildu, bilo je mnogo važno da pobijedimo. Trener mi je rekao da tražim prostor iza posljednje linije protivnika, a znao sam da je Lukaku dobar u skoku i vjerovao sam u tu loptu", kazao je Marsijal, čovjek odluke, uz poruku Žozeu Murinju:
"Želim da igram. Ne želim da sjedim na klupi".
Prije trenutka odluke na Old trafordu i Junajted i Totenhem imali su po jednu pravu šansu, i to u razmaku od samo dva minuta - Dele Ali je u 77. loše zahvatio loptu i poslao je pored stative nakon fenomenalnog pasa Eriksena, da bi već u 79. Lukaku glavom pogodio stativu.
Prije toga, gledana tvrda utakmica, prava rovovska borba - oba tima su više vodila računa kako da ne prime, prije nego kako da postignu gol.
Junajted, bez Pola Pogbe, imao je velikih problema u organizaciji igre, a Totenhem, bez najboljeg strijelca Harija Kejna, problema u posljednjoj trećini terena.
"Sparsi" su bili bolji u prvom dijelu, a Murinjo je znao da mu je uprkos svemu potrebna pobjeda, pa je izmjenama natrjerao svoj tim da krene na pobjedu u nastavku - i ugrabio je, golom rezerviste.
"Zaslužili smo pobjedu, iako je mogao da bude i remi", kazao je Portugalac nakon meča.
Junajted je dobio sve utakmice kod kuće u dosadašnjem dijelu sezone, a prvi put nakon 2007. godine "đavoli" nisu primili gol na Old trafordu na prvih pet utakmica u Premijer ligi.
"Osim šanse Dele Alija, kontrolisali smo napade Totenhema. Bila je teška taktička borba, znali smo da jedna greška u defanzivi može da nas košta. To se na kraju dogodilo njima", dodao je Murinjo.
Deset golova ove sezone Junajted je dao u posljednjih deset minuta igre - što je čak 43 odsto od ukupnog broja postignutih pogodaka u Premijer ligi Lukakua i društva.
"Zaslužili smo više - bila je po jedna šansa na obje strane. Nije lako izgubiti na ovakav način, napravili smo jednu grešku, nismo bili skoncentrisani u finišu. Dešavaju se takve stvari i moramo da ih prihvatimo i da nastavimo dalje", kazao je Maurisio Poketino, trener Totenhema.
Čelsi je u posljednjem meču subotnjeg programa slavio u Bornmutu, na jugu - pretposljednjem timu na tabeli presudio je Edin Azar, preciznim udarcem lijevom nogom početkom drugog poluvremena.
Šampion je ostao na 4. mjestu, sa bodom manje od Totenhema, četiri manje od Mančester junajteda i devet manje od lidera Mančester sitija.
Arsenal je gubio od Svonsija na poluvremenu, u 800. utakmici Arsena Vengera u Premijer ligi, a onda je na scenu stupio Sead Kolašinac - popularni "Sejo gasterbajter" postigao je gol za 1:1, a onda asistirao Ramziju za potpuni preokret.
Liverpul, bez povrijeđenog Kutinja, mučio se sa Hadersfildom u prvom poluvremenu (Salah je promašio penal), a onda su Staridž, Firmino i Vijnaldum u nastavku do vrha napunili mrežu "terijera".
Ливерпуль - Хаддерсфилд от ФУТБОЛЬНЫЕ ОБЗОРЫ на Rutube.
Slaven Bilić je bio na korak od spasonosne pobjede protiv Kristal Palasa u gostima, Vest Hem je vodio 2:0, ali je Vilfred Zaha u sedmom minutu sudijske nadoknade donio bod timu Roja Hodžsona.
Rezultat i parovi
Subota
Mančester junajted - Totenhem 1:0
Marsijal 81.
Arsenal - Svonsi 2:1
Kolašinac 51, Ramzi 58. - Klukas 22.
Kristal Palas - Vest Hem 2:2
Milivojević (penal) 50, Zaha 90+7. - Ćićarito 31, Aju 43.
Liverpul - Hadersfild 3:0
Staridž 50, Firmino 58, Vijnaldum 75.
Votford - Stouk 0:1
Flečer 16.
VBA - Mančester siti 2:3
Rodriges 13, Filips 90+2. - Sane 10, Fernandinjo 15, Sterling 64.
Bornmut - Čelsi 0:1
Azar 51.
Nedjelja
Brajton - Sautempton (14.30)
Lester - Everton (17)
Ponedjeljak
Barnli - Njukasl (21)
Bonus video:
