Ženska seniorska reprezentacija Crne Gore odigrala je bez golova u prijateljskom duelu sa selekcijom Bosne i Hercegovine.
Na Trening kampu NFSBIH u Zenici viđena je tvrda utakmica, u kojoj su obje ekipe stvorile po nekoliko prilika.
Najbolju šansu na utakmici imao je domaćin preko Valentine Šakotić, koja je u 84. minutu pogodila prečku.
„Bila je ovo dobra utakmica, izuzetno borbena. Djevojke su dale svoj maksimu. Idemo u Sloveniju, gdje nas čeka bolji protivnik, ali se nadam da ćemo tamo odigrati slično kao i ovdje”, rekao je selektor Mirko Marić.
Crna Gora će 16. juna gostovati Sloveniji u Dravogradu. Taj meč igra se od 18 časova.
Bosna i Hercegovina - Crna Gora 0:0
Bosna i Hercegovina: Envera Hasanbegović, Valentina Šakotić, Nikolina Vujadin (od 61. Sumeja Bektaš), Melisa Hasanbegović, Marija Aleksić, Dajana Spasojević (od 55. Minela Gačanica), Aida Hadžić, Milena Nikolić, Mejrema Medić (od 87. Nikolina Milović), Selma Kapetanović, Amela Kršo (od 75. Šejla Selimović).
Crna Gora: Ivana Čabarkapa, Aleksandra Popović, Tatjana Đurković, Dženita Ramčilović, Jasna Đoković (od 78. Jelena Vujadinović), Nađa Stanović (od 78. Ana Knežević), Marija Vukčević (od 46. Armisa Kuč), Helena Božić (od 64. Maja Šaranović), Jadranka Pavićević (od 88. Maja Maraš), Darija Đukić (od 46. Slađana Bulatović), Milica Šebek (od 46. Jelena Karličić).
Bonus video:
