evrokup

Skariolo: Nismo mogli da zaustavimo Kobsa i Rida, neki igrači nisu navikli na ovakvu atmosferu

Slavni trener čestitao je rivalu i svom kolegi Aleksandru Džikiću na pobjedi

10239 pregleda 10 komentar(a)
Serđo Skariolo na meču protiv Budućnosti, Foto: Savo Prelević
Serđo Skariolo na meču protiv Budućnosti, Foto: Savo Prelević

Serđo Skariolo pamtio je "Moraču" po lijepim pobjedama, kako je rekao dan pred utakmicu, od večeras će je pamtiti i po jednom porazu - Budućnost Voli savladala je Virtus 86:82 i nanijela Skariolovom timu prvi poraz u Evrokupu.

Slavni trener čestitao je rivalu i svom kolegi Aleksandru Džikiću na pobjedi.

„Igrači Budućnosti su pokazali pribranost, vratili se nakon velikog minusa i imali specijalno iskustvo i kontrolu utakmice preko Kobsa, a veliku moć ispod koša sa Ridom. Ta dva momka nismo mogli da zaustavimo", kazao je Skariolo.

Nije, međutim, bio razočaran...

"Ljut sam zbog poraza, ali nisam razočaran igrom. Pravili smo neke djetinjaste greške, ali neki naši igrači nisu navikli na ovakvu atmosferu, na važne uloge u timu. To je dio našeg rasta. Malo me boli poraz, ali na njemu možemo da gradimo. Ovo je korak u pravom smjeru, ali ne i dovoljan da pobijedimo jedan od top timova u Evrokupu na njegovom terenu”, rekao je legendarni italijanski stručnjak.