"kurti prodaje maglu"

Vučić: Nema razgovora dok se naoružane snage Prištine ne povuku sa sjevera

"Da povučemo mjere da smo mi suverena država, a da oni nisu suverena država? Kad povučemo te mjere, Kosovo je nezavisno i Srbija je priznala Kosovo“

10239 pregleda 29 reakcija 29 komentar(a)
Foto: Predsedništvo Srbije / Dimitrije Goll
Foto: Predsedništvo Srbije / Dimitrije Goll

Predsjednik Srbije Aleksandar Vučić izjavio je da premijer Kosova Aljbin Kurti "prodaje maglu" i da ono što govori znači da će povući mjere kada Srbija prizna nezavisno Kosovo.

Vučić je ispred crkve Svetog Đorđa u Budimpešti istakao da neće biti nikakvih razgovora dok se naoružane snage Prištine ne povuku sa sjevera i naglasio da je to jedino rješenje, prenosi N1.

"Mogu da organizuju šta god hoće, neću da pristanem na ono što oni misle da ću da pristanem. Vratite se na ono što je bilo, pa onda možemo da razgovaramo", rekao je Vučić na pitanje o navodnom organizovanju hitnog sastanka Beograda i Prištine u Briselu.

Svi u Evropi, rekao je Vučić, znaju za situaciju i da nikoga neće upoznati ni sa čim novim, ali da zemljama na Zapadu odgovara da Srbija prizna nezavisno Kosovo, što nije interes Srbije.

"On kaže – ‘pa ne, sve je u redu, mi smo mirni i dobri, samo vi povucite vaše mjere’.Kakve mjere? Da povučemo mjere da smo mi suverena država, a da oni nisu suverena država? Kad povučemo te mjere, Kosovo je nezavisno i Srbija je priznala Kosovo“, rekao je.

Vučić se, prenosi N1, pred novinarima zapitao "koje su to bile akcije Srbije prema Kosovu" ili "koje su to bile akcije Srbije na Cetinju".

Povezani članci

22. Septembar 2021.

Kurti: Spremni smo da ukinemo mjere ako to uradi i Srbija

Preporučujemo za Vas