Čak 12 policijskih vozila i helikopter jurili su noćas po autoputu koji spaja Njemačku i Češku jednog Litvanca u kradenom BMW-u koji im je izmicao brzinom od 250 kilometara na čas, dok ga nisu uhvatili blizu Praga.
Automobil je 32-godišnji Litvanac ukrao u Njemačkoj posle ponoći a kada su za njim krenule njemačke policijske patrole pojurio je kao sumanut i prešao na teritoriju Češke.
Pored šest njemačkih patrola za beguncem je krenulo i šest patrolnih vozila češke policije i jedan helikopter. "Stranac je skrenuo sa autoputa kod mjesta Tlustice i napustio automobil. Našao ga je policijski pas", kazala je danas za onlajn izdanje dnevnik Pravo Ivana Telekešova iz lokalne policije.
"Automobil je bio ukraden oko jedan sat noću u mjestu Dahau u Nemacckoj. Ne znamo još da li je vozač bio pod uticajem droga", kazala je portparol policije u Berounu kraj Praga Marcela Pučelikova. U sumanutoj jurnjavi na inače prometnom autoputu na sreću niko nije povrijeđen.
Bonus video:
