Španski teretni brod udario je danas u stijenu i prepolovio se u Atlantskom okeanu u blizini francuske luke Bajon. Postoji bojazan da se u vodu izlije nafta.
Lokalne vijesti su prenijele da je u brodolomu povrijeđen jedan mornar.
Na brodu je bilo 11 mornara kada je udario u stenu pri velikim talasima u blizini mjesta Angle, nedugo nakon što je napustio Bajon na jugozapadu Francuske.
U prefekturi tog regiona rekli su da je u toku prebacivanje mornara helikopterom ali da akciju ometa jak vjetar jačine i do 110 kilometara na sat.
Primijećeno je da nafta ističe iz broda, a aktiviran je plan za reagovanje u takvim slučajevima, poznat kao "Polmar" čiji je cilj da spreči zagađenje mora.
U prefekturi kažu da je jedan od mornara povrijeđen, ali nije navedeno u kojoj mjeri.
Teretni brod "Luno" koji je pretrpio havariju, dugačak je 100 metara i bio je prazan.
Bonus video: