Putinov oproštaj kritičaru Kremlja – Hodorkovskom, proces protiv bivšeg predsjednika Njemačke, Kristijana Vulfa i penziona politika novoizabrane vlade, okupirale su pažnju njemačku štampu u današnje izdanju.
„Novi Zakon o amnestiji, predsjednik Rusije odlučio je da primijeni na članice benda Pusi Rajot. Ali i aktivisti Grinpisa, nadolazeći Božić trebalo bi da provedu kod kuće. Ipak, najveću pažnju privuklo je Putinovo pomilovanje Mihaila Hodorkovskog, omraženog oligarha i neprijatelja šefa države. Na godišnjoj konferenciji upriličenoj pred 1.300 novinara, Putin izgovara milostive riječi. Međutim, ta predstava, par sedmica uoči Zimskih olimpijskih igara u Sočiju, djelovala je kao čista računica predsjednika Rusije“, komentariše Zidojče cajtung.
Članice Pusi rajota na slobodi prije Nove godine >>>
Hodorkovski izašao iz zatvora: Više nije prijetnja Putinu >>>
I Vestdojče cajtung primjećuje kako će početkom februara pažnja svjetske javnosti biti usmjerena ka Sočiju.
„Ne bi li ublažio kritike na svoj račun, politiku Rusije u Ukrajini i nehumane zakone protiv homoseksualaca, šef Kremlja krenuo je u ofanzivu šarmiranja“, piše list iz Diseldorfa i dodaje: „O suštinskom zaokretu u politici predsjednika Rusije ne može se govoriti. Dešava se zapravo suprotno: Putin se osjeća veoma sigurnim i moćnim, kao nikada do sada. Na domaćem terenu, njegov sistem ima potpunu kontrolu.“
Uljepšavanje prilika u Rusiji?
Većina njemačkih listova u pomilovanju Hodorkovskog vidi pokušaj uljepšavanja prilika u zemlji.
„Uoči Olimpijskih igara, Putin pokušava da se riješi nekoliko opterećujućih tema. Malo je vjerovatno da je prvi čovjek Rusije riješen u namjeri da učini nešto više za vladavinu prava u toj zemlji. Ne bi trebalo zaboraviti da lider opozicije Aleksej Navalni, koji je osuđen na pet godina zatvora, neće biti oslobođen. Jer on je politički gledano po ruski režim još uvijek isuviše opasan. Istovremeno, ni rad političkim nevladinim organizacijama u Rusiji, neće biti olakšan“, podsjeća Nirnberger nahrihten.
„Milostiva odluka Vladimira Putina neće riješiti nijedan problem u zemlji“, smatra Frankfurter algemajne cajtung. „Putinova najava samo potvrđuje šta Rusiji nedostaje. Presude u procesima, donose se po nalogu Kremlja. A vladar, ukoliko to želi, odluku suda, može da promijeni. Međutim, u obilježja jedne moderne države ubraja se i nezavisnost pravosuđa. Taj termin očigledno nije u Putinovom rječniku.“
„Da, ima dovoljno razloga za kritikovanje političkih deficita u Rusiji. Ipak, sa dvostrukim standardima u odnosima sa Moskom, Zapad bi trebalo da prestane, a to se odnosi i na priču o bojkotu Zimskih olimpijskih igara u Sočiju. Ako predsjednik Njemačke Joahim Gauk može da pokaže više razumijevanja za aferu NSA nego za prava građana zagarantovanih Ustavom, onda bi na otvaranju Zimskih Olimpijskih igara 2014. u Sočiju, mogao mirno da sjedi i pored Vladimira Putina“, smatra Lajpciger folkscajtung.
Galerija
Bonus video:
