Penzioner se spalio u Bukureštu, dosta mu je predsjednika Baseskua

Penzioner je to uradio ispred palate Kortočeni, zgrade Predsjedništva Rumunije
0 komentar(a)
Ažurirano: 08.06.2011. 18:26h

Jedan rumunski vojni penzioner polio se benzinom i spalio u centru Bukurešta u znak protesta zbog politike predsjednika Trajana Baseskua kojeg je nazvao diktatorom.

Penzioner je to uradio ispred palate Kortočeni, zgrade Predsjedništva Rumunije. On je prevezen u bolnicu sa opekotinama drugog i trećeg stepena na nogama i rukama, prenijela je rumunska televizija TV Realitatea.

Na istom mjestu se prethodno jedan 28-godišnji muškarac popeo na stub pored palate, vezao žicom i trobojkom oko vrata i zaprijetio da će izvršiti samoubistvo ako se neko približi. Mladić je govorio da se njegova osnovna ljudska prava ne poštuju.

Kada su stigle spasilačke ekipe, ljekari, psiholozi i vatrogasci, mladić je prihvatio da razgovara sa njima ali nije želio da siđe sa stuba.

Mladić je bio smješten u jednom socijalnom domu koji se sada zatvara a izgubio je i radno mjesto

Specijalno obučeni pregovarači ipak su se popeli na stub i zatim sedam sati pregovarali sa mladićem, sve dok on iscrpljen nije pristao da siđe, poslije čega je prebačen u bolnicu.

Rumunski mediji prenijeli su da se radi o mladiću koji je odrastao u domu za nezbrinutu djecu i koji je poslije napuštanja tog doma morao da se snalazi na ulici bez rodbine i pomoći države.

Mladić je bio smješten u jednom socijalnom domu koji se sada zatvara a izgubio je i radno mjesto, pa je mislio da mu samo predsjednik Trajan Basesku može pomoći i zato se popeo na stub ispred predsjednikovog sjedišta u Bukureštu.

Bonus video: