Grčka zastava zapaljena je večeras u Skoplju na protestu na kojem je zatraženo od Vlade Makedonije da prekine pregovore sa Grčkom oko imena.
Na fotografijama koje je prenio portal A1 on (a1on.mk), vidi se grupa mladića među demostrantima, koja drži u rukama grčku zastavu u plamenu.
Na protestu koji je započeo ispred Info centra EU, a završen ispred Sobranja Makedonije, prema slobodnim procjenama izvještača učestvovalo je nekoliko hiljada građana.
Demostranti su nosili makedonske zastave, među kojima i sa suncem iz Vergine, uzvikivali "Makedonija, Makedonija" i pjevali "Jedno ime imamo, u duši ga nosimo, za tebe život dajemo, o Makedonijo" i druge patriotske pjesme, poručujući premijeru Makedonije Zoranu Zaevu da je izdajnik. Na skupu je govorio i vladika Makedonske pravoslavne crkve Petar Agatangel.
#Macedonia, the snow & the people! pic.twitter.com/uAUqXdtr7g
— Antonio Miloshoski (@AMiloshoski) February 27, 2018
Učesnici protesta su zatražili da se prekinu pregovri sa Grčkom oko imena, da se povuče dogovor o dobrosusjedstvu Makedonije sa Bugarskom, kao i Zakon o upotrebi jezika kojim se proširuje upotreba albanskog, i da se oslobode pritvoreni učesnici prošlogodišnjeg nasilja u Sobranju.
Protestom, u orgvanizaciji nekoliko makedonskih nacionalnih patriotskih organizacija, obilježena je godišnjica početka protesta "Za zajedničku Makedoniju" koji je završen nasilnim upadom u parlament 27. aprila 2017. godine.
Najveća opziciona partija u Makedoniji VMRO DPMNE juče je saopštila da ne stoji iza protesta koje su organizatori nazvali "protestnim maršom za odbranu imena Makedonije".
Zbog protesta saobraćaj u centru Skolja je večeras bio zatvoren.
Bonus video:
