Švedski sud u utorak je dao zeleno svjetlo Greti Tunberg i stotinama drugih klimatskih aktivista da nastave s kolektivnom tužbom protiv švedske države zbog "nedovoljne klimatske politike".
Tunberg i 600 drugih mladih aktivista u grupi Aurori tužilo je švedsku državu u novembru tvrdeći da mora da učini više u ograničenju globalnog zagrijavanja na 1,5 stepeni Celzijusa kako bi ispunila Evropsku konvenciju o ljudskim pravima.
„Okružni sud danas je uputio poziv stranama u kolektivnoj tužbi visokog profila“, rekao je sud u saopštenju. „U tužbi se zahtijeva da okružni sud utvrdi da država ima obavezu da preduzme određene mjere za ograničenje klimatskih promjena“, navodi se.
Švedska država ima tri mjeseca za odgovor na tužbu, rekao je okružni sud. Kako prenose iz N1, okružni sud je dodao da se ne može reći kada bi se mogla donijeti odluka o tužbi.
Aurora želi da sud odluči da Švedska mora da smanji emisije za najmanje 6,5-9,4 miliona tona CO2 godišnje, počevši od 2019.
"Zdravlje i budućnost planete, kao i naše, direktno zavise od toga hoće li naši političari shvatiti ozbiljnost klimatske krize, pa Aurora želi da učini sve što može kako bi vas natjerala da to učinite“, poručila je grupa u otvorenom pismu švedskoj vladi prošle godine.
U ponedeljak je glavni sekretar UN Antonio Gutereš upozorio da „klimatska tempirana bomba otkucava“ i pozvao bogate države da što prije smanje emisije nakon što je nova procjena naučnika rekla da nema mnogo vremena za gubljenje u borbi protiv klimatskih promjena.
Bonus video:
