Aktivisti za slobodu medija i Kurdi danas su protestovali u blizini sjedišta britanske vlade u Londonu prije sastanka premijerke Tereze Mej i predsjednika Turske Redžepa Tajipa Erdogana u posjeti Velikoj Britaniji.
Nekoliko desetina demonstranata okupilo se na poziv organizacije Reporteri bez granica.
Oni su se pridružili kurdskim aktivisitima koji su nosilii plakate sa Erdoganovim likom i natpisom "terorista" kao i zastave lidera Kurda u zatvoru Abdulaha Odžalana.
Prema navodima organizacije za zaštitu novinara, više od 100 novinara je uhapšeno i 140 medijskih kuća je zatvoreno u Turskoj poslije neuspjelog vojnog udara u julu 2016. godine.
Erdogan se od nedjelje nalazi u zvaničnoj trodnevnoj posjeti Velikoj Britaniji koja ga je dočekala uz sve počasti u perspekitvi saradnje s Turskom poslije istupanja iz članstva u Evropskoj uniji.
Turskog predsjednika će primiti i kraljica Elizabeta Druga.
Bonus video:
