Najmanje deset osumnjičenih nacističkih ratnih zločinaca nije deportovano iz SAD iako je nalog o tome izdat, te su četvorica preživjelih i danas u SAD, objavila je agencija Asošiejted pres (AP) na osnovu uvida u podatke Ministarstva pravde SAD.
Svih 10 osumnjičenih za ratne zločine "propalo je kroz rupu u zakonu": SAD su htjele da ih deportuju, ali nijedna druga zemlja nije htjela da ih primi.
Ostali su i sve vrijeme uživali i pravo na socijalnu pomoć, navodi AP.
Ministarstvo pravde je prije 34 godine osnovalo službu za nalaženje i deportaciju osumnjičenih za nacističke zločine, a postupci su pokrenuti protiv 137 ljudi.
Od tog broja, manje od polovine je napustilo SAD bilo tako što su deportovani, izručeni vlastima druge zemle ili su dobrovoljno otišli.
Bonus video:
