NEMIRI NA ULICAMA

Jemen: U posljednja 24 sata u sukobima 19 ubijenih

Protestanti su krenuli sa Trga promjena, a policija je na njih počela da puca kad su se približili na oko 200 metara od zgrade vlade.
0 komentar(a)
Jemen, Foto: Rojters
Jemen, Foto: Rojters
Ažurirano: 26.02.2019. 15:36h

U posljednja 24 sata pripadnici snaga reda u Jemenu ubili su 19 demonstranata neprijateljski orijentisanih prema dugogodišnijem predsjedniku Aliju Abdalahu Salehu, a SAD je oštro osudio nasilje i pozvao na hitnu smjenu vlasti.

U Bajdi, smještenoj oko 210 km jugoistočno od Sane, ubijena su tri demonstranta pošto su pocijepali fotografije predsjednika Saleha, na vlasti 33 godine. Na njih su pucali snajperisti smješteni na krovu zgrade Generalnog narodnog kongresa, stranke na vlasti.

U Taezu (oko 250 km južno od Sane) snage sigurnosti otvorile su vatru na demonstrante, pri čemu su ranili više desetina ljudi. Uveče su u istom gradu ubijena dvojica demonstranata, ako i jedan u Hodeidi i jedan u Damaru.

Sukobi su izbili i u Sani gdje su pripadnici snaga sigurnosti i pristalice režima pucali na nekoliko hiljada demonstranata, pri čemu ih je smrtno stradalo 12, a povrijeđeno ih je gotovo 230, izvijestili su iz mjesne bolnice.

Protestanti su krenuli sa Trga promjena, a policija je na njih počela da puca kad su se približili na oko 200 metara od zgrade vlade.