Dezmond Tutu predlaže da se Gadafiju ne sudi, ali da ode

To je jedino rješenje za spasavanje ljudskih života, rekao je bivši anglikanski nadbiskup i dodao da se zalaže za odlazak Gadafija s vlasti.

"Jasno je da bi u najboljem slučaju bilo dobro reći: 'hvatajte ga i sudite mu', ali mi znamo da se takve stvari ne dešavaju u svijetu u kojem živimo", rekao je Tutu u intervjuu za britansku televisijku mrežu Bi-Bi-Si (BBC).

Prema njegovim riječima, rješenje bi bilo dati Gadafiju garancije da mu se neće suditi i tako ga ubijediti da ode s vlasti.

Dezmond Tutu (79) prošle godine se povukao iz javnog života. Poznat je po višegodišnjoj borbi protiv aparhejda i radu na pomirenju i demokratiji u Južnoj Africi.