Najmanje 409 miliona ljudi pogođeno je pješčanom olujom koja je zahvatila Kinu.
Kako prenosi Anadolija, pogođeno je područje površine 2,29 miliona kvadratnih kilometara.
Nacionalna uprava za šumarstvo saopštila je da je pješčana oluja, nakon južnog dijela Mongolije, zahvatila i Peking i druge sjeverne regije, uključujući provincije Heilongjiang, Ksinjiang i Unutrašnju Mongoliju.
Navodi se da je pješčana oluja pogodila 15 provincija i ukupno 409 miliona stanovnika.
Nacionalni meteorološki centar (NMC) izdao je u ponedjeljak plavo upozorenje, nakon što je najmanje osam pješčanih oluja pogodilo sjevernu Kinu od januara.
Procjenjuje se da će se pješčana oluja u Pekingu povući poslijepodne.
Meteorološke službe su objavile da su oluju pokrenuli snažni vjetrovi, izazvani lokalizovanim ciklonom.
Bonus video:
