Viši savjetnik u Bijeloj kući Džared Kušner, inače zet američkog predsjednika Donalda Trumpa, obuhvaćen je istragom koju sprovodi savezna policija (FBI) o upletenosti Rusije u američke predsjedničke izbore, objavili su Vašington Post i NBC News.
Kušner je pod istragom zbog sastanaka sa Rusima, među kojima su ruski ambasador i bankar iz Moskve, objavio je Vašington Post pozivajući se na osobe bliske istrazi.
Za sada nije poznato da li je Kušner već primio bilo kakav zahtjev FBI-ja, navodi NBC News.
Istražitelji FBI misle da Kušner ima važne informacije koje se tiču njihove istrage, objavio je NBC i dodaje da to ne znači da je muž Ivanke Trump napravio prekršaj.
Istražitelje zanima "niz sastanaka" na kojima je učestvovao Kušner kao i priroda njegovih kontakata sa Rusijom, piše Vašington Post.
Kušner, kojega smatraju direktnim posrednikom Trampa u spoljnoj politici, sastao se u decembru sa ambasadorom Rusije Sergejem Kisljakom, kao i sa ruskim bankarom.
Robert Miler imenovan je za posebnog tužitelja u istrazi FBI koja bi trebala da rasvijetli moguću povezanost između članova izborne kampanje Donalda Trampa i ruske vlade.
Bonus video:
