Uhapšen napadač iz Nešvila

Policija je ranije danas navela da je osumnjičeni mentalno poremećen i da je prije nekoliko dana ukrao automobil kojim se dovezao na mjesto zločina
61 pregleda 0 komentar(a)
Nešvil, Foto: Reuters
Nešvil, Foto: Reuters
Ažurirano: 09.12.2018. 11:45h

Američka policija privela je večeras napadača koji je u Nešvilu otvorio vatru u jednom restoranu gdje je ubio četiri i ranio dvije osobe, javila je agencija Frans pres. Osumnjičeni Trejvis Renking (29) nalazi su pritvoru. Upravo je uhapšen, navela je policija kratko na Tviteru.  Policija je ranije danas navela da je osumnjičeni mentalno poremećen i da je prije nekoliko dana ukrao automobil kojim se dovezao na mjesto zločina.  Gotovo potpuno nagi napadač, koji je na sebi imao samo zelenu jaknu, sa jurišnom puškom upao je u restoran u Nešvilu, ubio je četvoro ljudi prije nego što mu je jedan od gostiju oteo oružje.  Više od 80 policajaca iz Nešvila bilo je mobilisano u potrazi za Renkingom. Američka tajna služba privela je Renkinga u julu prošle godine zato što je bio u ograđenom dijelu blizu Bijele kuće u Vašingtonu. On je prema navodima policije bio priveden jer je odbijao da napusti tu zonu i govorio da želi da se sastane s predsjednikom Donaldom Trampom.