Tišina od minus 20 decibela: Par minuta u ovoj sobi dovode do ludila

Čim se vrata komore zatvore, primjetite razliku: zvuk prestane putovati, ne odbija se od zidove, sva pozadinska buka nestaje, običan razgovor zvuči poput vikanja u jastuk
435 pregleda 4 komentar(a)
komora bez odjeka, Foto: Screenshot (YouTube)
komora bez odjeka, Foto: Screenshot (YouTube)
Ažurirano: 14.08.2016. 10:46h

Skrivena duboko u Zgradi 88 u Microsoftovom kampusu, nalazi se i službeno najtiša prostorija na svijetu. Toliko je tiha da je ušla i u Ginisovu knjigu rekorda.

„Proveo sam samo pet minuta tamo s glavnim inženjerom u Microsoftovoj audio-laboratoriji i mislio sam da ću poludjeti", opisao je svoje iskustvo novinar Business Insidera (BI).

Microsoft je izgradio ovu prostoriju, poznatu i kao „komora bez odjeka“, kako bi u njoj mogao vršiti različita ispitivanja i graditi bolje zvučnike za laptope i tablete.

Ipak, nijesu željeli samo tihu sobu, već najtišu moguću. Najmanja glasnoća (ili najveća tišina) koju je na Zemlji moguće postići je minus 23 decibela. Tolika je glasnoća koju proizvode molekuli vazduha kad se odbijaju jedan od drugog. Tišina u Microsoftovoj sobi iznosi minus 20,3 decibela.

Čim se vrata komore zatvore, primjetite razliku: zvuk prestane putovati, ne odbija se od zidove, sva pozadinska buka nestaje, običan razgovor zvuči poput vikanja u jastuk, zvuk jedva da uopšte putuje.

„Nakon par minuta u sobi, Gopal je zamolio za 20 sekundi apsolutne tišine. Tišina je bila gotovo bolna nakon čega mi se u glavi pojavilo neobično zujanje. Bilo je vrlo neugodno, a kasnije sam saznao da se svi tako osjećaju“, ispričao je novinar BI-a.

„Kad smo ponovno progovorili, bio sam dezorijentisan. Da sam tu proveo još par minuta, potpuno bih skrenuo", rekao je nakon izlaska iz najtiše sobe na svijetu.

Bonus video: