Tivat: Nastavljeno pošumljavanje na području Peana

Današnja akcija članova te dvije NVO je imala za cilj simbolično podsticanje javnosti na davanje doprinosa obnavljanju požarima uništene prirode
1 komentar(a)
Peani pošumljavanje, Foto: Siniša Luković
Peani pošumljavanje, Foto: Siniša Luković
Ažurirano: 19.04.2018. 10:25h

Dječiji savez Tivta i Modni kub “Da Qui” nastavili su akciju pošumljavanja na području Peana, na lokacijama gdje je prije desetak godina šuma uništena u velikom požaru.

Današnja akcija članova te dvije NVO je imala za cilj simbolično podsticanje javnosti na davanje doprinosa obnavljanju požarima uništene prirode, ali je predstavljala i apel sugrađanima i gostima da budu obazrivi sa upotrebom vatre na otvorenom, posebno u ljetnjim mjesecima.

U akciji su učestvovali i učenici SMŠ Mladost, a podržala ju je služba “Zelenilo” tivatskog “Komunalnog” i dipl. inženjerka hortikulture, Tanja Krstović. Aktivisti i djeca posadili su u Peanima nove sadnice crnog bora koje će dopuniti ranijih godina već zasađena mlada stabla te vrste i bagrema.